環島遊 - Hello Taiwan

日期:  27/3/2013

天氣: 陰天

住宿: 仙渡莊旅社

Hello Taiwan

這是一個特別的旅程

回想起細個個時, 在井字形屋村裡, 哥哥在走廊上教懂我踏單車後......單車就一直陪我成長, 小學, 中學, IVE .... 之後因為家中沒有位置放它, 我就把車子送了給同事, 我還記得把自己的單車 放到別人的車尾箱時 是多麼的捨不得, 多麼想的留下它

現在, 星期六日加上復活節及清明節, 就有多天假期, 人生總要狂一次!!!

就決定了環島遊!

確認了假期之後, 我就立即買下了摺車 (Dahon HAT 060) , 改裝及加上在taobao 上買一些parts

就完成了今日的戰車

早上 0445 從家中拿著這個大箱子, 背包, 腰包 行到的士站 再到市中心轉E33

未行到的士站, 我心裡已有n 咁多的問號, 問緊自己.....做乜環島唔去租單車!? ......xyz….

但心一諗, 環台用自己單車去 好過用別的車! 單車也不用再慢慢習慣! 再者, 除基本行李外我沒有其他行李, 那就帶過去吧 ^^

去到香港機場長榮櫃位check in, 上磅, 哈哈剛好 18.5kg, very good!

Check in 時長榮給了我悠遊卡, 內有 TWD $50 可以使用.

把單車放到大型行李後, 就安心過關了

 Hello Taiwan! 約九點多到達 桃園機場後, 立即對錢 ... rate: 3.709.... HKD 7000 pls

慢慢咁行過關....去到拿行季的地方, 問那裡可以提取大型行李, 佢手一指, 指到去行李帶上…... 頂 -,- 點解我架車係行李帶上面!? .....

爆左... 貼左易碎都係咁….. 都唔知有冇內傷, 冇去同佢地理論…. 一陣如果佢地叫我拆開黎睇都幾麻煩, 咁就唔理lu, 去找客運巴士去台北 TWD $140, 到達 天行宮後再轉的士到租車瘋(TWD $320), 在租車瘋拆箱及重整單車,

好彩只是外箱破了, 單車沒事, 在租車瘋見到香港人1男1女 租車環島, 傾了幾句就交換了facebook,  慢慢踏單車到 仙渡莊旅社 租房, 因當時是12:00, 所以收我 TWD $900 -.- 單車是可以放到民宿內

放好東西後, 就坐捷運到西門町, 在遊客中心用passbox 登記free wifi,

打開facebook, .... 今早南投 6.1 級地震..... !? 台灣使唔使用呢個方法黎歡迎我丫.

吃過午飯 就開始周圍行....

紅樓, 誠品116 (全場女人野, 沒有書的), 英雄館 (冇野睇), 總統府(未行到去d 人已經啤住你), 國立台灣博物館 (冇feel, 唔入), 新光百貨 (勁似香港sogo)

行行下 發現了 地下街, 原來地下街係由幾個捷運站連接成, 你可以用地下街行到下一站, 而中山捷運站的地下街是 賣書的, 有好多間書店連在一起

到了晚上, 台灣朋友 Angela, 帶我到一間名叫 乾杯 的韓式 燒烤店, 表面上與一般的相同

但它叫得做 "乾杯" , 就真係"乾杯", 司儀 向每一台的食客 問一問 今天到來有沒有什麼特別高興的事

到了八點 司儀就會 搞gag , 再向各位介紹這台食客高興的事, 之後就一齊 乾杯 !!!!! 乾杯之後會幫你免費 refill

如果食客kiss over 10 秒, 司儀會另外送你 牛肉

對面台的兩個男生就 "3"

與香港唔同, 店員會主動幫你燒牛肉, 當然, 你可以自己燒啦^^

快樂不知時日過, 好快就到9時多, 與Angela 道別後就回旅店了

今天玩得太開心了....完全忘記 我是來單車環台的!!!

明天來吧!!!! Go Go Go!

仙渡莊旅社 (TWD $900)